22/06/2022 7:31pm 窩打老道九龍維景酒店對開 父親私家車和的士生輕微碰撞, 點知有故仔比大家剝花生, 有啲長唔好意思. 起初父親仲以為自己不以為然溜前撞到的士, 落車見的士泵把差不多毫無損傷, 自己車泵把小花及車牌殼爆裂, 諗住就咁就算, 的士司機話父親“唔係諗住就咁走呀？”然後突然話腰痛, 報警&call白車, 然後由剛才精精神神嘅狀態下, 變到要人枱先上到白車… 警察到場落案時, 父親好勞氣咁話, 咁細力撞點可能撞親條腰？
最後爸爸同時交車cam記憶卡比警察, 因為自己唔識喺車cam睇片 奇怪嘅事發生啦, 冇諗過今次警察咁高效率, 即晚睇片後話畀父親聽係的士入後波撞到我父親架車（可能落客不以為然入咗後波）, 話如果的士司機如果堅持要賠償, 就會倒轉頭起訴的士司機！
並約定時間到警署再落口供及取回卡 及後的士司機經警察介入後主動聯絡父親, 承認自己過失及賠償了事, 父親為人厚度, 覺得對方係搵食車, 無謂難為人家, 只收了對方三千元 ( 因車價昂貴, 三千元比出面細舖搞都唔掂, 知價嘅實明）
我同的士司機講, 如果真係我老豆撞你, 呢單嘢唔知會畀你屈幾多萬？ 希望以後有良心啲, 得饒人處且饒人！ 攞返車cam記憶卡後, 再睇返佢嘅態度, 人哋咁專業“搵食”, 我諗都係嘥緊口水, 都唔明點解我老豆會放過佢😡😡
轉自: Gervase
