狗狗，最後都係救你唔到🤦🏻我知道你好叻仔撐左一晚等做手術，見到你咁強嘅求生意智，咁痛苦都無叫過一聲，個心好翳 希望你而家係彩虹橋上面跑跑跳跳唔洗再受苦
事發係咁 荃灣方向上大山，沿路我前面呢架TF9526冷血呀叔一路推住前面架拖車。畢竟拖車車速有限，咁一路 沿路都見到TF9526同前車好貼，拖車師父最後上到山上一個位置就靠邊，想讓後面個個趕時間又冷血廢老行先，然後事情就發生左 大家可以睇睇片 點解我會不停話佢冷血呢 首先，我同拖車師父都停左車，我落車睇狗狗嘅情況，而撞到狗狗條廢佬係冇可能唔知撞到野！！！
我響咗兩次咹既情況下，佢依然係冇停車 喺我地同埋熱心途人正在尋求方法嘅時候，各人都打比個狗義工 毛孩嘅慈善團體，睇下有冇方法救到狗狗 。 突然間有個阿叔行埋嚟問咩事，大家都冇為意個呀叔係咩人，個呀叔就係到問呢樣問果樣 到最後我搵到有義工可以上黎，呢個時候個阿叔先話自己就係撞到狗狗嘅人🤬
呢一刻佢知賴晒野先報警 中途個廢老call埋個仔上嚟，跟住我哋就問佢點解要開咗咁快，佢就開始講「前車好慢，阻住曬，自己揸咗四十幾年車….」呢d各樣那樣 垃圾說話，重點佢仲講左句 「我見到隻狗，但我車住班細路，如果我停車，後車就會撞落我到，我會好危險」
就係因為咁樣要撞落去 到最終愛協同差佬都上到黎，佢個仔就話如果汽車三保唔包嘅，佢哋唔會出錢醫，只會跟正常程序將狗狗交比愛協，咁交比愛協大家都知咩事 。 法例上面我完全吹佢唔脹，我能夠做既就係要盡快安排送隻狗去診所 最終得到狗狗慈善團體阿棍屋嘅幫助，狗狗差唔多9點先去到元朗診所，安排今朝早睇骨科，不過最終撐唔住，撐左20個鐘走咗。 容許我講句粗鄙說話，殺狗凶手，我希望你一世都食唔安坐唔落，你呢啲冷血說話同行為係會有報應
轉自: Hang
